جارى التحميل
استخدم زر ESC أو رجوع للعودة
حبيتك
من ديوان غنوة الايام للشاعر عبدالهادى الشعراوى
حبيتك من غير قوانين
واتعلمت لغات العين
ورسمتك جوه صفحاتى
وكتبت عنك دواويين
حبيتك من غير قوانين
حبيك عنوان لبلادى
وجعلتك كل اعيادى
محروسه واله من العين
حبيتك من غير قوانين
انا عارف انك شيفانى
بعيون الحب وعشقانى
يكفينى حبك عنوانى
فى دنيا كل العاشقين
حبيتك من غير قوانين
من غيرك انت يابهيه
علمنى معنى الحنيه
ومعايا غنى الاغنيه
وخالفنا كل القوانين
حبيتك من غير قوانين
ياحبيبه
انا بكره هعود
واللحن معايا على العود
اهديلك من شوقى ورود
واسمع كل الحاضرين
حبيتك من غير قوانين
بكفايه اتغربت كتير
عن حضنك ابو قلب كبير
فى الغربه انا عشت اسير
مشتاق بالقلب والعين
حبيتك من غير قوانين
انا راجع ومعايا احلامى
احملها فى قلبى ووجدانى
مشتاق تضمك احضانى
يا اغلى من ضى العين
حبيتك من غير قوانين
المصدر: ديوان غنوة الايام للشاعرعبدالهادى الشعراوى
ساحة النقاش