فى ناس عايشه لكن ماتت

وناس ماتت لكن عايشه

. وناس حبت وناس سابت

وناس فى طريقهاا هى ماشيه .

وناس عاميه لكن شافت

احزان ومكمله عافيه .

. وناس ماتت قلوبها خلاص

ولسه جروحها مش كافيه .

وناس الحزن بيدبحها

واحزانها بقت عارفه .

طريقها مهما زاد البعد

ودموعها بردت ومش خايفه .

. . وناس تمشى طريق مفروش

وناس على الشوك مشت حافيه .

ووقت العتاب جى اكيد

ومبرراتك اكيد بايخه .

ياللى ربيع عمرك نبت زهوره

ودلوقتى بقت شايخه .

. وقلبى الميت فى يوم البعث

مش راجع ب 100 صايحه .

انا المدفون فى ملكوتك

وفى ملكوتك

قلوب هتموت ولو صاحيه .

وناس زهقت من الزحمه

وطريقها متاهه وميت ناحيه .

وناس نفسها تضحك

لكن قلوبها مش سامحه

واحساس انك خلاص ميت

ونسيت يعنى ايه فرحه

واللى حبيتها فى يوم 

لابسه فستان  وطرحه 

ومش ليك ومش بيك 

وعيونها  خلاص  سارحه

وناس  تعيش مجروحه

وناس فرحتها تعيش جارحه