قصيده بعنوان :موتى فيا اللى فاضل
****************************
زيدى الجراح زيدى
موتى  ف حنيتك
ياللى انتى ساكته وريدى
وكنت بلون دنيتك
زيدى كمان زيدى
امحى بيا فرحتك
.
افقرى اهلى كمان
كبرى  اللى يموتك
.
قولى عليا خنتك
وادعى عليا فى تربتك
.
قولى ده كان وكان
ادى الوحوش ثروتك
...............

موتى القلب اللى عشلك
اكسرى كل اللى فاضل
.
اللى عمره ما استغلى مهرك
وكان واقف صلب ومقاتل
.
اللى يوم ما مات عشانك
قال انا برضه واقف هناضل
.
لما باس تراب سيادتك
موتيه بالرصاص وبالقنااايل
.
بسأل معالى جنابك 

لسه ايه اللى فاضل
!!!!!!
مخليانى اكره حتى حبى ليكى
ومش شايف فيكى مرسى
.
بتعرفينى ان فيكى
كل يوم الف كارثه
.
وانتى شايفه بيوت دعارتك
وانتى صاينه وانتى حارسه
.
شايفه كل يوم فجورك
والنداله بقت ممارسه
.
والمفاتن ظهره فيكى
وانتى على الفقرا دايسه
.

زيدى كمان زيدى
ياللى انتى ف وريدى

..........
خلى الفقر جواكى يعشش
زودى وابنى السجون
.
عيشينى فى وطن محشش
عايش هستريا من الجنون
.
رددى يحيا اللى غشش
انشرى مرض الطاعون
.
الحق فى قلبك مخشش
ومسلطنه اوى فرعون
..........
موتى فيا اللى فاضل
مش عايز احس بحياه
.
حتى لو قلبى عافر
خليكى دايما وراه
.
لو شوفتى الضحكه فى وشى
اكسرينى ورجعينى ليكى انتباه
.

لو لسه الأمل ممتشى
اقتليه وادفنينى معااه
.
يمكن يصحى قبلى والاقى
وطنى عاااد للحيااااه
.
يمكن مرضك يطيب
وتدى لشعبك دواه
.
يمكن تعودى عايشه تانى
وتتكتبى فى كتب الرواه
.
موتى الجزء اللى فاضل
موتى فيا المناضل
ادهسى فيا كمان
يمكن بموتى يا امى
يمكن !
تعودى للحياه
يقلمى :احمدى الاحمدى