قصيده بعنوان :قبل المنام 
****************
كل ليله
فى عينى
سهر ووجع
بسرح بقلبى بشوف
عينيكى وفيها دلع
ببكى على حالى... تعرفى
يعنى ايه الدموع تنزل من عيون جدع
مش عارفه
هحكيلك وعارف انك مش شايفه

ومش خايفه

ومش اسفه

***
كان فاضل ليكى فى قلبى
صوتك الشجى
كان نفسى اسمعه
عارفك بتتعجبى
كل ما احاصر نفسىي يفضحنى قلبى ويتكلم
اصله ثورجى
كل ما اسجنه يهرب منى انا عارفه من زمان
برضه بلطجى
ده قلبى يا حبيبتى اللى خلاكى عليا
تتكبرى وتتفرجى
طب اتفرجى
.
كنت بتمنى
اشوفك
او حتى المح فيكى
كسوفك
لما العمر طول
ليه كسوفك
جاب خسوفك
كنتى فاكره انى
حد شارياه بفلوسك
حد طالع
من فنوسك
.
تدعكى الفانوس بيطلع
ينحنى قدام جنابك
تسأليه ايه اللى جابك
جى اشوف اجمل عيون
واتمرمغ حتى فى ترابك
...
كنتى عارفه انى عاشقك
من غير ما ابدأ كلامى
.
كنتى عارفه انى بحبك
انك كل ليله فى احلامى
.
كنت سايب قلبى عندك
ودلوقت
ببعت ل قلبى سلامى
.
...
يااااااااااااااااااه لما
برجع براسى
على السرير وافكر فيكى
ياااااااااااه بيخدعنى
دايما احساسى
والاقى الدموع نازله تروى خدودى
ان كان ده يرضيكى
او يكفيكى
.....
كل ما افتكر هزارى
كل ما افتكر
وقفتك وانتى جارى
واقولك يا قصيره
يا بنوته يا صغيره
ويوم سرحت فيكى
لحد ما طلع نهارى
فى يوم بكيتلك
ومسحتى دموعى
ويوم حلفتلك
انى شارى
....
يااااااااااااااااااااااااااااااااااااااااااااااااااااااااااه
لما برجع على سريرى بالليل
بيشوكنى
بيدخلنى لسجنى
ويخلينى ذليل
وبيربكنى
ولو قلتله نسيتها
يخلينى ادمع
وما يصدقنى
..........
يا قلبى يا اللى
مش ملكى
ارجع بقى
ل مُلكى
ارجع كفايا
فيك تجريح
كفايا انك بقيت
بتمثل فى التفاريح
قلبى اللى كان قوى
بقى بتهز
بشوية ريح
قلبى اللى خبى
شوقه عن الناس
وكان معاكى صريح
اهو دلوقتى
قاعد
يبصلى وببصله
اضحك عليه
وبتأمله
ونفسى مره امد ايدى
واشيله واشوف
حاجه تكمله
لا يوم يحب
ولا يوم ينبض من تانى
بدل ما هو جوايا بدمله
......
ياااااااااااااااااااااااااااااااااااااااااااااااه
كل ما افتكر
بصتى فى عينك
وكسوفك من نظرتى
كل ما افتكر دعوتى
انى ربى يعينك
واشوف
دلوقتى كسرتى
.
كل ما افتكر انى حب سنينك
بدمع وبمسح دموعى
وبرجع ادمع غصب عنى
عارفه ياللى قلبى لسه عندك
احساس انك بتضحك والدمعه بتجرى على خدك
احساس انك بتضحك فى وش الناس ومين قدك
احساس ان اللى حواليك مبيحسوش بيك ولا بهمك
وان اللى جرحك حد كنت متخيل يوم تتبرعله بدمك
عارفه ياللى خدتى كل حاجه فى مشاعرى
انا مسامحك وهدعيلك
وانتى اجمل واحده فى جيلك
واطهر سمكه فى نيلك
واجدع مهره فى خيلك
انا مسامحك وعايزك تبقى لاجمل
حد فى الوجود
حد مبيدمعش زيى ولو كسرتيه يرضى
ومعندوش ردود
حد ميقولكيش البسى ومتلبسيش
ميقرفكيش بالحدود
......
حد مش زيى انا

يا اجمل حاجه حصلتلى انا

بقلمى : احمد الاحمدى