فى بداية الكلام ببعت سلام 

.

لكل غنوه غنتها فيكى

وكل بيت كتبته ليكى

وكل يوم عشته بيكى

وكل حاجه رسمتها فى عنيكى

.

و

ببعت سلام
يا ام العيون مقدرتش اوصفها
يا ام الجمال ربانى
والضحكه حيانى
يا جميله

يا اميره ياللى كنتى كل حاجه
كنت بحلم بيكى تملى
كنت شايفك انتى ضلى
كانت  الحياه حزينه
وبتحلى لما تطلى
كنت اسهر بالليالى
واستناكى تهلى

دلوقتى متعرفنيش
لا شوفتك من الشباك
ولا بصيتى من ورا نيش
دلوقتى متعرفنيش

ولو سألتك عن حبى تقولى

محبتنيش

وازاى انا حبيتك وانتى الكدب جواكى

قادر يعيش

هه كنت ساذج ااوى يا وطن مليان

تهبيش

كنت بقدم طلباتك وطلباتى مكانها

فى التهميش

ودلوفتى متعرفنيش

.

والله صعب عليا حالى

وعلى دمعى اللى كان غالى 

وعلى قصة حب حبيتها 

وكنت هحكيها لعيالى

وغنوة جميله غنيتها

وعايش ويا موالى

.

يا خساره ع الحب اللى راح بلاش
قعدت احلى مر العمر بيكى لقيته ما يحلاش

وكنت عارف ان الحياه من غيرك ولا تتعاش

وادينى عايش  ومحدش كان هيتعلم

ببلاش

دلوقتى متعرفنيش
لا يوم وقفت على بابك
ولا كنت من ضمن احباببك

ولا عمر حطيت ايدى على جسمك
ولا شفايفى لمست شفايفك
معرفش انك بتغيرى هدومك قدام المرايه
وبتتمنى انى شايفك

ولا شوفت اوضتك المليانه قلوب
اللى حلفت قبل ما اشوفك
انى عن الحب اتوب

وخلتينى وانا معاكى ادوب

...................................................