قولي مين ع الساحة فاهم....والشارع خناقات وشتايم
   واللي بيلم ف غنايم..........واللي لسه ف حلمه هايم
   واللي نايم لسه نايم.......والبـــلاوي فتتتـــني
   الطابور بختم مبـارك..........كأنك يامبارك في دارك
   مين يامصري يحس نارك......مرة رحمك ولا جـارك
   لا حكومتك ولا حتى جارك.......مد إيده مرة غاتـني
   الخضار في السوق مولع.......ولأنابيب ماشية بتتدلع
   البنزين طفشان ومقلع.....والسولار مسروق ومفلسع
   والجوع من بطني ماتعتع.......ويالثورة معايا مافاتني
  
    برلماني قول رئـاسي........ولا العكس ده الأساسي
    ولادستور ع المقاسي..،.....ولا الفلول المآســـي
    ياعالم كفاياكو راسي........دي البرامج جنـــنتني
    البيه رأيه ف التوكشو..........ومعاه الناشطة نانـو
    ومين ع الخط معانا ألو..........والطرف التاني خلوه
    لو بيضيع الخط هاتوه.......ولاحدش في مرة سألني
 
    أنا مصري داير في مكاني...شعاراتكم ع لغيم وخداني
    أحلامي إني أبقى ياباني.......ياماليزي لأ مش أفغاني
    وشهيدنا من قبره ناداني... ثورتنـا اتسرقت صدقني