بحب ف الليل تجينى ندهتك
أجرى عليكى بشوق
يامموتانى كل ليلة
فى نعيم هواكى...
نفسى فى يوم أموتك
وأحييكى... وأحييكى
على براعة قسوتك

يامستعليه ع الهوى
وحاضنة أحزانك
يامستكبره ع الزمن
وحابه حرمانك
ولا هامك جفاف العود
ولا حاسبه الليالى تفوت
والعمر كل يوم مفقود
وأناالموجود بأعتابك
مستعذبه بعذابى
بتفرحى بشبابى
وهو كل يوم بيتفتت
أدام عنيكى
حابب عنيكى
وبريق عنيكى
بتدوبينى .. كل ليله
فى قهوتك
ورينى مرة علامة من رحمتك
خلاص يا حبيبة ..
قلبى حفظ كل كتاب قسوتك
ضعفك .. بأشوفه
بيطل من قضبان قوتك
وخوفك بيبان بريقه
ورعشته فى طلتك

متعذبه .. وبتعذبينى
سيبى ايديكى للهوى
واطلقى قلبك العطشان
لحنين بحورى
بلاش تجورى
واعلنيها بقوتك
بحبك .. بحبك
بفرحة تهز أركان الفؤاد
بأصرخ .. بحبك
ماأحلى الكلام وياكى
دافى وجميل
زى طعم قهوتك ...