كبسولات خفيفة بنكهة مضحكة
كتب /اشرف التعلبي

المجلس العسكري :
لا تعليق ؛  والسكوت من ذهب والصمت افضل .
مذبحة بورسعيد :
يا كفرة هو إحنا في اسرائيل  هي كلمات رددها والد أحد الضحايا ؛ من حقه أن يرددها من الظلم ؛ فهل تمت محاكمة من قتل الثوار في التحرير او ماسبيرو او محمد محمود او مثلا مجلس الوزراء ولا وزارة الداخلية ولا مذبحة بورسعيد ولا مذبحة العباسية  بالطبع لالالالالالالا........... بل يمرحون واخدوا ترقية بالفعل .
حكومة الوفد الموازية :
بعد فشل برلمان الثورة في سحب الثقة من حكومة المسن والخضوع للمجلس العسكري ؛ قام الوفد مشكورن  بتشكيل حكومة موازية لاعداد استرايتجية شاملة للنهوض بمصر يعني البلد فيها حكومتين واحد شمال والتاني يمين .  وكله خير !!
الاخوان :
رغم اعجابي بالتنظيم الجيد للاخوان  : الا انهم صمموا علي اقالة حكومة المسن   وبعد فشلهم في ذلك سحبوا كل الاستجوابات المقدمة ضد الحكومة  وقرروا التفرغ للفل شفيق يا عجبي  .
رسالة لموسي وشفيق :
بقول لشفيق : بحبك يا شفشق
وبقول لموسي بحبك يا عمورة يا ملك الفلافل .
احزاب وخلاص :
احزاب كتيرة خالص  لا دور لها ؛ بس لا ميزة مهمه جدا وهي انها احزاب بس كرتونية .
اللاعب كيكابالا :
نعم القيم والمبادئ لا تباع ولا تشتري ؛ كل فترة يخرج الريس شيكابالا بتفاهة سخيفة غير مقبوله تمام وفرق الزمالك يتهاون في عقاب الفته الطايش .
برامج مرشحين :
بيقولك مرشح الرئاسة جعلان انه هيعيد  الامن خلال 24 ساعة يبقي اكيد عارف سبب الانفلات الامني ؛ ممكن الان  يرجع الامن ؛ ولا هو كرسي وقصر .
قنوات بلطجية :
كل واحد معاه شوية فلوس ياسس حزب ويفتح قناة وكمان جريدة علشان يتبعوا سياسته المضللة وينشروها ؛ اصلو هو فنان في السرقة فعاوز يضلل ؛ انت عارف قصدي علي مين .
ولاد بطعم البنات :
كل يوم الصبح بركب المترو انا ورايح الشغل وبشوف الشاب من دول اقول دة بنت ولا ولد ؛ دة ولد ولا بنت ؛ وانزل من المترو ومعرفتش هو ايه ؛  أصلو مسقط البنطلون ولابس بوكسر قطونيل ماركة عالمية ؛ وعقد بخرز وحزازة  لونها احمر ؛ اكيد بنت صح ولا ايه .