بيسائلونى عن حالى
قلتلهم مالكم ومال حالى
ومن امتى يهمكم حالى
ومن امتى بتفكروا تغيروا حالى
لوكان انا نسيت حال حالى
من فكر شغل بالى
لتدبير قوتى وقوت عيالى
وانتم قاعدين ومحدش دارى
ومش حاسين باللى بيغلى فى راسى
من اللى بشوفه فى شارعى
من عيل متعرى نايم تحت بيتى
ولا عيل من جوعه بياكل من زبالتى
ولا مريض بيشحت ليكمل تمن علاجه
ولا مسكين بيشحت رغيف من عيشى
وبعد ده جاى تسائلنى عن حالى
وكانك مش عارف حالى ولا حال غيرى
ياخى سبنى انا فى حالى
وخليك انت فى حالك
يمكن انسى اللى مغير حالى
لانك مش هتغير حالى
المصدر: خاطرة من دماغى
مع تحياتى مصطفى العمدة
نشرت فى 3 فبراير 2010
بواسطة elo55
ساحة النقاش