علشان تعرفوا ضلال المدرسه دي وصل لفين من افترى وظلم

ايمان وديع سخنت السكينه ع البوتجاز وقالتله طلع لسانك ولو السكينه حرقت لسانك يبقى التلفون معاك ولو محرقتوش يبقى مش معاك- كانت ايمان وديع هي الواسطه بين المدرسه ووالدة الطفل عشان ايمان وديع هيه اللي عرفت والدة الطفل ع المدرسه الطفل اخد 6 دروس فقط عند المدرسه هبه بحيري في سادس حصه المدرسه اتصلت ع ايمان وديع وقالتلها تعالي عشان فيه تلفون ضايع واللي اخد التلفون ده عبد الرحمان محمد توفيق الطفل خلص حصته الساعه 2الضهر وخرج لدرس تاني وهو لسا في الدرس اتصلت المدرسه في الاستاذ توفيق شاهد في المحكمه لصالح الطفل وطلبت منه عبد الرحمان يروحلها حالا الطفل دخل للمدرسه بيتها لقى ايمان وديع والمدرسه في انتظاره واتهموه في التلفون بتاع المدرسه وضحكوا عليه بفلوس قالوله لو جبت التلفون هتاخد 100جنيه الطفل قاللهم والله ما معايا وعيط وبيحلفلهم انه مأخدش حاجه ايمان وديع اخدته المطبخ في منزل المدرسه ايمان تنده للمدرسه ع المطبخ بتسألها فين السكين وتعالي البتوجاز بيولع ازاي الطفل انهار بين ايديهم عياط والمدرسه من غير رحمه بالطفل ولعت البتوجاز وطالعتلها سكين ايمان وديع سخنت السكينه ع البوتاجاز وقالتله طلع لسانك ولو السكينه حرقت لسانك يبقى التلفون معاك ولو محرقتوش يبقى مش معاك المدرسه سابت الطفل مع ايمان في المطبخ وخرجت الصاله وهي في شدة البكاء على تلفونها وهيه بتقول التلفون في حاجات خاصه جدااا

الطفل بكل براءه طلع لسانه عشان يثبتلها قالتله انا كده بعملك حاجه اسمها بشعه وقربت السكينه اكتر وحرقت طرف لسانه وطرف شفته اليسرى وهددت الطفل لو عرف امه او ابوه هشيلك على وش التروسيكل

الطفل مشي منهار من الوجع والاهانه اللي حصلتله وقابل والده في الشارع وقاله ع كل اللي حصل قاله تعال واحنا نجيب والدتك ونطلع للمدرسه نعرف في ايه رحت الام والاب والطفل للمدرسه عشان يسألو في ايه لقو المدرسه منهاره في الصاله في وجود ايمان وديع
الاب رجع بره الشقه خالص عشان كانت المدرسه في لبسها البيتي ودخلت الام تسألها ابني عمل ايه عشان يتعامل في الطريقه دي ويتحرق ردت المدرسه وانكرت الحرق وقالتله فيه سرقه تلفون وانا سألت ابنك عليها سؤال مش اكتر وانا مش عايزه التلفون انا عايزه الحاجه اللي عليه الام والاب اخدو ابنهم في ايدهم وروحو بيتهم ومكنوش ناوين يعملو محضر لغايه ما وصلو بيتهم واكتشفوا حرق الطفل في لسانه وتعبه الشديد جدا تاني يوم الاهل والطفل راحو المدرسه يأخذو اذن للطفل اكتشفنا انه التلفون مع طفله في المدرسه والمدرسه محضرتش تاني يوم اصلا وتواصلوا مع الطفل واخدت تلفونها بسكوت من غير ما تعرف ولا تعتذر من اهل عبد الرحمان المدير حقق في الموضوع مع الاطفال وعرف وعرف الاهل انه عبد الرحمان مسرقش حاجه

الاهل اخدو اذن للطفل من المدرسه وعملو محضر وبعتو فاكس للنائب العام وفعلا غابت الحكايه لغايه 1شهر 10وتم التحقيق وتم القبض ع المدرسه هبه البحراوي وايمان وديع اللي حصل ظلم انه مدرسه زي دي تجيب 3محامين وتطلع على ذمه القضيه وتهدد الطفل واهله (هولع فيكم وفي شقتكم وانا اهو طلعت براءه ) والطفل يضيع حقه الحكايه

دي على لسان والده الطفل وعلى استعداد لاي حد انه يتواصل معاها