هندسة الانتباه

العلوم والفنون والآداب

## يا أم الشهيد قومي.. قصيدة بقلم الشاعرة منى المنير


دا ابنك يا ست الكل
غازل تيجان الفل
ما تليقش غير ليكي
سابق خطاويكي
ع الجنه ونعيمها
نقط بدمه الحر
نفطه ورا نقطه
طلعت زهور نبته
في ارضنا الصابره
تطرح كتبر أحرار
لجلك فاتوا ف النار
لجلك يهدوا اسوار
لجلك دماهم سيل
يجرف معاه الليل
وساعات يكون الويل
على كل أعادينا
يا فرقه عدينا
مالكيش مكان بيننا
طول عمرنا واحد
رب الجميع واحد
واللي نكر جاحد
عمره ما كان منّا
يا نوارة بيتي
ياا زين ما ربيتي
يا ام الشهيد البطل
عمره ما طاطى و قبل
بالذل لعنيكي
ما تفكرهشي مات
وبلاش دموع و آهات
دا عريس في الفردوس
و رفعنا بيه الروس
حطي تيجان الفل
قومي يا ست الكل
بكفايه دمعك بلّ
أكفانه عطرها
دي حكايته اخبارها
سابقاه على الجنه
طريقه ليها مفروش
بالزهر والحنه
قومي يا ست الكل ....
حطي تيجان الفل
#مصر
#منى_المنير

 

 

  • Currently 0/5 Stars.
  • 1 2 3 4 5
0 تصويتات / 340 مشاهدة
نشرت فى 3 فبراير 2015 بواسطة elhaisha

ساحة النقاش

محمود سلامة محمود الهايشة

elhaisha
محمود سلامة الهايشة - باحث، مصور، مدون، قاص، كاتب، ناقد أدبي، منتج ومخرج أفلام تسجيلية ووثائقية، وخبير تنمية بشرية، مهندس زراعي، أخصائي إنتاج حيواني أول. - حاصل على البكالوريوس في العلوم الزراعية (شعبة الإنتاج الحيواني) - كلية الزراعة - جامعة المنصورة - مصر- العام 1999. أول شعبة الإنتاج الحيواني دفعة »

ابحث

تسجيل الدخول

عدد زيارات الموقع

1,881,937