حكايات (عامية)
*******
معايا تلت حكايات
لتلت بنات مليانه اهات
وخوف من بكرة ومن اللي فات
اها من دنيا جراحه اخدت منهم الراحة
وسقتهم المر كاسات
واها من خلايق زرعتلهم شوك في الطريق
وحطمت حتي حلمهم البريئ
واها من سنين مفيهاش حنين
سبتهم وسط همهم غرقنين
يروحو فين او لمين
هيفضلو جوا همومهم مدفونين
واهي حكايات لتلت بنات
مليانه اهات وخوف وانين
استجدو بدنيا فانيه وبانين
لا حد سمع ولا حد جاوب المحرومين
سبوهم يشكو ويحكو وفي النهايه
هما بردة متلامين
ماهم بنات من غير سند
يا بشر ما تفهمو بتلومو مين
لومو نفسكم علي جهلكم
علي قساوة قلبكم
علي فقر في الحنين
ودي حكاية تلت بنات
شبعو قسوة وتعب
بس طلعو حنينين
طب وهندسة ومدرسة
وبرضو لسة طيبين
مرضعوش قساوة طبعكم
وهيعلموكم تكونو بنادمين
حكاية تلت بنات
مليانه اهات وخوف وانين#امل عبدالله
