( تمثال )

و تفضل جوه عينك دمعه

بتحرق زي جمر النار

وجامده زي لوح التلج

ما بتنزلش !!

و تفضل جوه قلبك المسكين

ألف حكاية و حكاية

ومن كتر الجراح

ساكت .. متتكلمش !!

و تفضل تطّمن قلبك المقهور

تأكد ربنا عادل و ما بيظلمش

لحد ما يجي يوم

ولا تحزن و لا تفرح

و تنسى أزاي في يوم تبكي

و تتعلم بقى تجرح

و تعيش يا دوب تمثال

ميتألمش ..

و مهما تفارق و تتفارق

ماعدش خلاص

في شئ فارق

و بقت ضربة الجلاد

مبتعلمش ..

مهو برده مش معقول

مع كل اللي مريت بيه

ماتتعلمش !!