{{ حكاية كل عاشق}}

حكاية كل عاشق

ايام وسنين ياقلبي

نحلم والحلم يجري

بينا فوق السحاب

ايام وسنين بنرسم

دنيا متعرفش دمعة

ولا بنصاحب عذاب

كانت ايامنا حلوة

احلى من اي غنوة

اتقالت ف الغرام

كانت دقات قلوبنا

لا تقول ياحب دوبنا

ولا بتخاف الملام

كنا لو شوفنا عاشق

يبكي نبكي عليه ونقول:

هي الحبايب عايزين

من الدنيا إيه.....؟!!

اتاريكي يادنيا كنتي غدارة

زي ما انتي

علمتينا الهوى وخونتي

توهتينا مع اللي تاهوا

دوبتينا مع اللي دابوا

وبكى الحب ف عينينا

وتاهت خطاوينا

ياريتك يادنيا ماكونتي..!!

#Amonah Ali#

                                              *مصر*