سؤال بقلم امل عبدالله
قبل ما تسألها مالك
وتلح اوي في السؤال
بص جوه عنيها هتعرف اي غير الاحوال
كانت عايزاك جنبها
تحس بكلامها حتي لو متقال
تحضن همومها وحزنها
ومن قلبها الوجع يتشال
تكون ضحكه وشها
قبل ما تسألها مالك
وتلح اوي في السؤال
كانت محتاجه لحنانك
لكلمه طيبه لطبطبة
لنظرة حنان
حرمتها من كل حاجة ليها محتاجة
وحجتك ظروفي والايام
وجاي تسالها مالك
وتلح اوي في السؤال
القلب اللي ينكسر صعب تاني يبتسم
خلاص الوقت فات
بقت حكاوي في ذكريات
واتملت جرح واهات
معدش ينفع دوا
ولا سؤال بين ميه وهوا
خلاص مش محتاجة سؤال #امل عبدالله
