كلمة عن الثورة

هما كلمتين

هما كلمتين .. كلمة وكلمة .. مش مهم مين .. لكن اسمع بذمه
دمنا ساح .. وحقنا راح..ناس مهضومه وناس مظلومه .. وحكومة نايمه ببال مرتاح

بأمر وزير.. تطلع تقارير.. فبركي ياحكومة.. ماحنا الطراطير

يناير خمسة وعشرين .. طوفان مظلوم .. فاق من النوم .. يطلب حقه بعد سنين

سنين وعقود .. ذل وقهر .. فقر وجهل .. ولسان معقود

معقود بقانون.. طاريء وفساد .. ظلموا عباد .. باعوا بلاد .. وحملوها ديون

ديون فى رقبتى .. اديلك وقتى .. ولا اعرف انام . ابدا دلوقتى .. والحق اهو قام

قام ثوار .. شباب احرار.. من كل دار .. على الخير ناويين  النيه بصوت .. كان مكبوت.. صرخوا وقالوا ..الطاغى يغور .. والظلم يموت