موقفاً غريباً حدث مع أحد الأصدقاء ؛ كان ماشياً بأحد الشوارع وأثناء سيره سمع بكاء أطفال وإستغاثة إلحقنا ياعمو .. إفتح لنا ياعمو ؛ ذهب صديقى إليهم ليرى الأطفال ويساعدهم ، فوجد باب العمارة مغلق من الداخل ؛ فحاول فتح الباب وفجأة جاء والد الأطفال وسأل صديقى : عاوز إيه من الأولاد ؟ .. رد كانوا بينا دوا وهم يبكون فحاولت إنى أساعدهم ؛ والد الأطفال لصديقى : إنت حرامى وعاوز تخطفهم وفتح باب العمارة ومسك الرجُل من ملابسه وبصوت عالى الناس إتلمت ومسكوا الراجل وعاوزين يطلبوا الشرطة !! من حُسن حظ صديقى إنه كان أحد الجيران واقف فى الشباك وشاف الموضوع من أوله ؛ ونزل الشارع وحكى إللى حصل .. إعتذر والد الأطفال لصديقى وقاله سامحنى : أصبحنا فى حال غير الحال وافتقدنا للأمن والأمان . فى ناس بتخطف العيال وتشحت بيها ، وناس بتطلب فدية ، وناس بتبيعهم علشان يسرقوا أعضائهم ..!! هو خلاص مفيش أمان ولا ثقة ؟! الناس تبطل تعمل خير لانه ممكن عمل الخير وإغاثة الملهوف بتجيب المشاكل !! معلش ياصاحبى إعمل الخير بس بحرص وخليها على الله ..
لقطات من الحياة
@عاطف البرديسي
