اللى باقى من حكاية شهرذاد صفحة دايبة شاكية من وجع البعاد شهرذاد رجعت اميرة بالمحبة مستنيرة لامة كل المظلومين بين قلوب الناس سفيرة شهر حاسة باللى حالم حلمه يصحى م المنام فاردة منديل الامانى بس الوقت الحلم فات وانتظرتك يا أسيرة بس برضه الشهر .....زاد شهرذاد حطت ايديها صحت القلب اللى مات دق هد السور بايده صحى كل الذكريات واتبنى هرم الملامح اللى راحت م البعاد بس يا شهدى الناقص نحلى زهقان م الولاد لما لعبوا بالخلايا غيروا فيها الجينات من نهارها النحل قارص رامى كل الشغالات فوق طريق الحر لافح يحرق العش اللى مات وانتظرنا يا مليكة بس برضة الشهر .........زاد شهر نازلة ع المدينة فوق كتافها الف شيلة عاوزة تلحق حتى ليلة من لياليها الجميلة بس يا خسارة الليالى ضيعت كل الحكاوى م السهاد