فوق الرصيف

الناس كتير

مترصيين

واقفين صفوف

ناس براها الانتظار

والكحة مليانة عفار

دخان سواده فى وشهم

خلاه سمار

وناس بتندب حظها

بضرب الكفوف

اتوبيس مهدى من بعيد

شايف امل عمال يزيد

بس اتحشر وهكون سعيد

الكل واقف والساعات

ناسية المواعيد

حتى العقارب وقفت علشان تشوف

واحد معدى واللى فوق

جوه السبت مليان حروق

فاتح فى صدره هوا مطلوق

يسمع حروف اسم الرغيف

من سطلته ينعش يفوق

يوم الاضاحى يدبحه بدل الخروف

الناس رجولها اتورمت

وزهقنا من كتر الوقوف

حتى الولادة اتعسرت

وليدها حاسس بالظروف

اشمعنى هو ما كلنا

فات المعاد ولا عاد خشى ولا عادش خوف