قلبى يا زينب

م اللى جرالك

وقلب فى حالك

وضيع جمالك

وكل اللى شافك

يشاور عليكى

يمصمص شفايفه

يتصعب عليكى

وأصل الحكاية

شقاوة عينيكى

ويرحمها امك

تعبت وفرحت

وشالت وربت

ويوم لما كبرت

وبانت بشاير

وبانت عليها

علامة انوثة

وفكت ضفاير

وقالت يا مامى

تسمينى سوزى

وزازا وزوززة

وتمشى يا زينب

وكل اللى يلمح

ينادى يا مزة

وتبدأ حكاية

وتخلص حكاية

ونظرة غمزة

وهمسة ولمسة

وملتى يا زينب

وقصة غريبة

علاقة مريبة

وكانت نهايتك

وآخرة عمايلك

وسيبك ودلعك

وكان ما لها زينب ؟؟؟؟؟؟أعجبني ·