يا مصر وانت اللحن والغنوة

لو هحكى عنك هبتدى الموال

انت اللى ساكنة فى القلوب جوه

انت الامومة واحنا ليكى عيال

لو كنت انقى م الجمال كلمة

همد ايدى مش هجيب غربال

بتكفى منك ظلة او نسمة

عاشق وحبى وارثه من أجيال

هاتى اللى عندك م الهموم عندى

كتفى وجملك وانت ليه جمال

احكى اللى واجعك م الزمن وابكى

دمعك يزيدنى قوة تخفى جبال

اوعى تخافى م اللى راصدينك

دا انت الكنانة وربك اللى قال

قادر يولع فى اللى خاينينك

بس انت عارفة ودارية سر الحال

لازم يدوقوا م اللى حايكينه

لازم يدوبوا زى خيط فى شوال

وانت اللى تبقى بس مرفوعة

عمرك بحاله وانت على المنوال