الحرف كان مرفوع

فى الود كان موصول

دلوقت صار مجرور

قبل النعيم مفصول

قعدت اراجع كتابى

والسطر فيه مدول

نسخت سطر الهوى

طلع الحبيب مبلول

اتارينى دايس عليه

م الصدمة بات مشلول

غرقان ببحر الغرام

وشراعى فيه معمول

من حرف نصب وكوى

فى الجتة عرض وطول

يا رب حرفى اترفع

م الهجر صار مذلول

والعطف واو مقلوبة

والكسر من غير قول

عينى وكانت سكن

للى عليه مشغول

من يوم ما فارق هنا

والعقل بيه مخبول

هو احنا مش م العرب

ولا الكتاب مبدول