ياللى انت ناوى تكون رئيس

رشحت نفسك لجل ما تكون العريس

لاهى عروسة....ولا بكرة هيكون الخميس

لو كنت فاكر فرحتك تنجح تهيص!!!

لا دا أنت يومك بالهموم يطلع كبيس

************

انا بس اقولك لجل يرتاح الضمير

افهم كلامى واسمعه لحسن تطير

الناس دى شايلة وحملها زايد ...كبير

بس انت تصدقما الوعود دايما كتير

عاوزينها تبقى مؤسسة وانت المدير

يعنى القرار مش بس ليك ما نتش امير

هتلاقى جنبك مخلصين شحات هيبقى اووزير

والناس تشوف والحكم للشعب الغفير

**********************

عاوزك تكون على قدر عالى م الثقافة

تعرف ترد أو تقول او حتى تكتب فى الصحافة

عاوزك تكون شايف فهيم لو حتى هتشوف السخافة

حاور وناقش فى العقول عامل فى شعبك باللطافة

*******************

سيدى وسيدك يبقى شئ اسمه القانون

لا أظلم سيادتك ولا كرامتى فى يوم تهون

ولا حد يخبط فى البيبان من غير ما اكون

جنيت ...كسر حيطان المعتقل ....ما فيه سجون

خلى ما بيننا من ثقة يديك سكون

تعرف تفكر فى الامور من غير شجون

************************

نفسى تكون بلسم يداوى المجروحين

شايل كياس الحلم تدى الغلبانين

ما تكونش نايم والفقير تعبان حزين

وكرامته ضايعة كل يوم قدام كمين

ما عملش حاجة .....امر من سيد أمين

عاوزك تقول لا لكل الطمعانين

سارقين فى قوتنا هم دولا الطبالين

صوتهم بيهوس والنفاق واضح مبين

اقفل ودانك اقطع ايد ين المفسدين

احكم بعدلك واوعى تسمع للعبيط

الناس تحبك تسمعك وبيك تحيط

وتكون جدير بحبهم علشان بسيط

واقفين معاك لو يوم هتنزل للغويط

****************************