دم الشهيد
----------
دم الشهيد سال ع الرمال
دوى الصدى بين الجبال
من كتر شدة الانفجار
قام الصليب حضن الهلال
-------------------------
مشيوا سوا وسط النيران
حالفين على مر الزمان
ليجيبوا حقك يا شهيد
مهما صار او مهما كان
من كتر شدة الانفجار
قام الصليب حضن الهلال
------------------------
رب واحد أرض واحدة
طول تاريخها الأم صامدة
توأمين رافعين ايديها
ولا همهم أحزان وشدة
من كتر شدة الانفجار
قام الصليب حضن الهلال
-----------------------
مينا وأحمد، نور ومارى
عيلة فيها الحب سارى
مهما حاولوا يفرقوها
شمس ساطعة ونهر جارى
من كتر شدة الانفجار
قام الصليب حضن الهلال
----------------------
واتبنى فى الجنة قصر
للى راح لأجلك يا مصر
واللى جالك يوم بنصر
وعد ربك للرجال
من كتر شدة الانفجار
قام الصليب حضن الهلال
--------------------