....................... ياعبــــــــــــــــــادى .........................
لما نادى الرب عبده النبى 
يامحمد صوم لربك والصيام لله لوحده
خلى كل المسلمين يعبدوا الله لوحده
والصيام مش عباده وانتهت لكنها 
عشان تحس يعنى ايه اسلام ووحده
يعنى ايه اسند ضعيف 
حتى بكلمه او رغيف او بسنده اومساعده 
بس اسد الجوع بقلبه وافرحه بوقت شده
يعنى ايه معنى التكافل والحنان والمجاهده
يعنى احس بالجوع زى الغلابه 
يعنى اقتل جوا نفسى الديابه
اللى فسدت اولحاكم هد شعبه
احنا اهل النخوه والاسلام سلام لكل حى ويا اهله
اوعى تنسى ان ممكن تتقلب كل الامور
تبقى ظالم وتلاقيك بسرعه ميت ع الفطور
وتبقى واقف بين ايادى الله لوحده
ويناديك كنت ظالم كنت قاتل مين يدافع ليك بساحته
اوعى تنسى حد جنبك بات جعان
وانت عايش بالملاهى ودنجوان
بالالاف تعطى الغوانى كل مالك
اما جارك يوم بيبكى من هلاكه وبات جعان
وانت عامل فيها ريس او نيشان
وقت موتك كل مالك هو خيبتك
جه منين وصرفته انت فين يامصيبتك
كنت سيد جوه مالك فين ضريبتك
للغلابه ولاكانت للديابه اه ياخيبتك
انبسطت بالحياه ؟ طب تعالى خد غنيمتك
هنا باب جهنم للى ظالم
هنا باب جهنم للمظالم
لماكنت تسيب اخوك نايم جعان
وانت تصرف ع الغوانى وكله هان
لاصيام ولازكاه ولاصلاه لا وكنت كمان تنام
كنت عاشق للمعاصى زى عشقك للهيام
كنت انادى ياعبادى ازكرونى انا صاحى مابنام
ياعبادى وحدونى اعبدونى 
ياعبادى كله مالى احمدونى
ياعبادى زكوا مالكم واشكرونى
ياعبادى صوموا لى واسجدولى
ياعبادى ياعبادى ياعبادى 
وانتوا كنتوا بتكفروبى
كنت انادى ياعبادى ارحموا كل الغلابه
والمساكين والحيارى تعبدوا كل الديابه
انت عبدى وانا ربك
جيتنى حامل كل ظلمك
لاهينفع كل مالك ولانافع انى اردك
كنت ظالم للغلابه وجهنم هى ارضك
كنت كافر بعبادتى خوش خد باقى فرضك
كنت عامل فيها مالك طب جهنم هى ملكك
هى دى كل الحقيقه
مش بحلم لو دقيقه 
دى حقيقه انت جارك كان همان
والنهارده مفيش حنان ودخول النار بزنبك
واللى كانوا بيوم حبيبك انتظر 
راح هيجوا بيوم لدربك 
وجهنم هى بيتكم هى سوركم 
هى كل الباقى ليكم بعد ظلمك وسروركم