""" ليه الفقير ينداس """
.
يادنيا ليه مشربانى المر ومزودالى الكاس
و حق الفقير اهو ضايع وليه الفقير ينداس
قولى ليه إنتى بتبعديه عنك وعن حضنك
والحرامى دايما تديه وع الخدود ينباس
"""""""""""""""""""""""""""""

ليه الفقير يرضع منك ألم وذل وإهانه
والحرامى يرضع شهد طب ليه كاويانه
بقى قلبك حجر صوان ومشوهه ظنك
اه منك ومن ظلمك يا دنيا خوانه
"""""""""""""""""""""""""""""
بتدى الفقير ع القفى ودموعه نازله سيل
دايما تحبى وتعشقى الحرامى اللى يميل
ينهب دم الغلابه ولو طلب ياخد العيون منك
اما الفقير لو طلب دمه ع الاراضى يسيل
"""""""""""""""""""""""""""""
اه يادنيا غروره وكدابه فيكى اشكال والوان
فيكى الاصيل ينداس ويتذل من كلب جبان
بتدى دروس للندل وتحضنيه وتعلميه فنك
اما الاصيل لو جالك ف الحال يتشتم يتهان
"""""""""""""""""""""""""""""
انا خلاص يا دنيا فاض بيا ومنك انا مليت
ها اكتب شعر عليكى هجاء يجى مليون بيت
ها فضحك قدام البشر وهاكشف الحجاب عنك
انا لسه فاكر كل الالم ولقسوتك انا ما نسيت
"""""""""""""""""""""""""""""
.
""" ليه الفقير ينداس """
.
كلماتى / إبراهيم ابو تمام الحمراني