علي اسم مصر التاريخ يقدر يقول ما شاء 
انا مصر عندي احب واجمل الاشياء 
باحبها وهي مالكة الارض شرق وغرب 

وباحبها وهي مرمية جريحة حرب

باحبها بعنف وبرقة وعلي استحياء 

واكرهها والعن ابوها بعشق زي الداء 

واسيبها واطفش في درب وتبقي هي ف درب 

وتلتفت تلقيني جنبها في الكرب 

والنبض ينفض عروقي بالف نغمة وضرب 

علي اسم مصر 

 

مصر النسيم في الليالي وبياعين الفل 

ومراية بهتانة ع القهوة .. ازورها .. واطل 

القي النديم طل من مطرح منا طليت 

والقاها برواز معلق عندنا في البيت

فيه القمر مصطفي كامل حبيب الكل 

المصري باشا بشواربه اللي ما عرفوا الذل 

ومصر فوق في الفراندة واسمها جولييت 

ولما جيت بعد روميو بربع قرن بكيت 

ومسحت دموعي في 

كمي ومن ساعتها وعيت 

علي اسم مصر 

مصر السما الفزدقي وعصافير معدية 

والقلة مملية ع الشباك .. مندية 

والجد قاعد مربع يقرا في الجرنال 

الكاتب المصري ذاته مندمج في مقال 

ومصر قدامه اكتر كلمة مقربة 

قريتها من قبل ما اكتب اسمي بايديا 

ورسمتها في الخيال علي ابدع الاشكال 

ونزلت ايام صبايا طفت كل مجال 

زي المنادي وقؤادي يرتجف بجلال 

علي اسم مصر 

 

المصدر: الاهرام 31 ديسمبر 2010
  • Currently 20/5 Stars.
  • 1 2 3 4 5
6 تصويتات / 301 مشاهدة
نشرت فى 6 إبريل 2011 بواسطة drrokaiataha

ساحة النقاش

دكتوره رقيه محمد طه متولي

drrokaiataha
ماجستير ودكتوراه فلسفة العلوم الزراعيه بساتين الخضر 2002 جامعه اسيوط »

ابحث

تسجيل الدخول

عدد زيارات الموقع

644,693