العشب طاطا للنسايم ونخ 

اخضر طري مالهش في الحسن اخ 

عصفور عبيط انا .. غاوي بهجة وغنا 

ح انزل هنا .. وانشا لله يهبرني فخ 

عجبي !!!!!!!!!

تسلم يا غصن الخوخ يا عود الحطب 

بييجي الربيع تطلع زهورك عجب 

وانا ليه بيمضي ربيع وبييجي ربيع 

ولسه برضك قلبي حتة خشب 

عجبي !!!!!!!!!

دخل الشتا وقفل البيبان ع البيوت 

وجعل شعاع الشمس خيط عنكبوت 

وحاجات كتير بتموت في ليل الشتا 

لكن حاجات كتير بترفض تموت 

عجبي !!!!!!!!!!

الدنيا من غير الربيع ميتة 

ورقة شجر ضعفانة ومفتفتة 

لا يا جدع غلطان تأمل وشوف 

زهر الشتا طالع في عز الشتا 

عجبي !!!!!!!!!!!!!

مرحب ربيع مرحب ربيع مرحبة 

يا طفل يا للي ف دمي ناغا وحبا 

علشان عيونك يا صغنن هويت 

حتي ديدان الارض والاغربة 

عجبي !!!!!!!!!

احب اعيش ولو في الغابات 

اصحي كما ولدتني امي وابات 

طائر .. حيوان ..حشرة .. بشر .. بس اعيش 

محلا الحياة .. حتي في هيئة نبات 

عجبي !!!!!!!!!

إنشد يا قلبي غنوتك للجمال 

وارقص في صدري من اليمين للشمال 

 ماهوش بعيد تفضل لبكرة سعيد 

ده كل يوم فيه الف الف احتمال 

عجبي !!!!!!!!!!

المصدر: الاهرام 31 ديسمبر 2010
  • Currently 35/5 Stars.
  • 1 2 3 4 5
11 تصويتات / 604 مشاهدة
نشرت فى 2 إبريل 2011 بواسطة drrokaiataha

ساحة النقاش

amoona4eslam

ماهوش بعيد تفضل لبكرة سعيد

ده كل يوم فيه الف الف احتمال

عجبي !!!!!!!!!!

جميل اوووى سلمت يداكى للنقل يااا دكتوووووره

salma333

عجبي
طال عمرى ومال ع الرمال وصب
عيني على ايدى على عقلى صار العجب
ياريتنى ماوعيت عالدنيا ولا شوفت الغضب
شكراً على الموضوع
تحياتى

drrokaiataha

شكرا جميلا لمشاركتكم الموصفة

دكتوره رقيه محمد طه متولي

drrokaiataha
ماجستير ودكتوراه فلسفة العلوم الزراعيه بساتين الخضر 2002 جامعه اسيوط »

ابحث

تسجيل الدخول

عدد زيارات الموقع

682,805