كنت بتعلم
من حروفك
يعنى إيه
كلمة بحبك
بالصمت
وأنت قصاد عيونى
مش بالكلام
مش ضجيج كلمات
بتتزاحم فى لغتى
والسلام
*******
كنت بتعلم
ميت معنى
يجمعنا
أنا وأنت
فى جزيرة بعيدة
عن العيون
وعن الملام
********
كنت بتعلم
معاك
لغة الشفايف
لما تنطق بالمشاعر
من غير حروف
لما الهوى
يملى قلوبنا
والحنين
يملى الكفوف
ويبان علينا
قد إيه حلو الغرام
*******
كنت بتعلم
يعنى إيه
قلمى بيرقص
فوق
دفاترى وكراساتى
وأنا كل ليلة
باشتقلك
يا عمرى وذكرياتى
وأنا قاعدة باغزل
فى صفحة عشقنا
حبك حياتى
وأنت قلمى
اللى باكتب
بيه فى عمرى
وحبرى ودواتى
وأنت أحلى قصيدة
كتبتها إيديّه
عنوانها
محلى الإبتسام
ساحة النقاش