كل ما أحاول يا قلبى أنساه وأنسى اللى كان
وأنسى حنينى وحبى وإنى إديته الأمان
وأنسى الأشواق وأخبى وأنسى ذكرى المكان اللى جمعنا زمان
بالقاه ساكن فى روحى بين افراحى وجروحى
وأقول يا قلبى بكره راح يبقى لينا ذكرى
لما هوينا وعشقنا ولما يا عينى دوبنا
أيام ما الحب وحده كان عايش فى قلوبنا
قبل ما يخون عهودنا ويهرب من حدودنا ويخون زى اللى خان
كل ما أحاول يا قلبى أنساه وأنسى اللى كان
وأنسى حنينى وحبى وإنى إديته الأمان
وأنسى الأشواق وأخبى وأنسى ذكرى المكان اللى جمعنا زمان
***************
كل ما أحاول خداعه إن خلاص قلبى باعه
وإنى فى بحر الحياة مش محتاجه لشراعه
بلقى نفسى باسامحه وألقى روحى باصارحه
إنه عشقى وحبى وإن وجودى فى ملامحه
كل ما أحاول يا قلبى أنساه وأنسى اللى كان
وأنسى حنينى وحبى وإنى إديته الأمان
وأنسى الأشواق وأخبى وأنسى ذكرى المكان اللى جمعنا زمان
***************
كل ما أقولك حقيقى إنى فعلا نسيته
ونسيت إنى عشقته ونسيت إنى إلتقيته
وندمت إنى عرفته وأقول إزاى هويته
بالقاه ساكن فى روحى بين افراحى وجروحى
ساحة النقاش