هنتكلم عن الميكوبلازما

بس من خلال رؤية واحد قاعد فى المزرعة وبعيد عن الكتب وقراءة الملعومات على النت

اول احجة ازاى اعرف انى دخل على العنبر ميكوبلازما

دا طبعا بيكون بالمتابعة اليومية بس مش بالتشريح
يعنى كل يوم فى الليل هتطفى النور وتسمع الاصوات

الى صدور اول صوت
خكة او طشمة او نفرة او عطسة اى اسم

وبمجرد صدور او صوت
هيحصل التالى بس بالتدريج
طبعا دا فى حالة انها ميكوبلازما بس وبردة الرعاية كويسة وكل تمام

* انتشار الصوت بزيادة شوية ودا بيكون بعد 3 الى 5 ايام
وتيجى تبص على استهلاك العلف او النافق متلاقيش اى حاجة

بس احنا هنا هيكون المؤشر بتاعنا استهلاك العلف بس

بعد انتشار الصوت
بيومين هنلاحظ اتساع فى العين
ووهنا تقريبا هتبدا التحويل يقل بس بطريقة صعب انك تلاحظها

ثم

بعد يومين هيحصل اتساع مع احمرار واضح فى العين وهنا بردة الاستهلاك طبيعى والموت بردة طبيعى بس التحويل يعنى الى حدا ما بقل بس بطريقة غير ملحوظة

ثم

نلاحظ بعد 2 الى 4 ايام رغاوى فى العين مع الاحمرار وحاجة كدا زى الدموع بس مش راضية تنزل وهنا بئى هيبدا النافق احنا ممكن نسمية طبيعى نظرا لقلتة بس بتكون كل الميت متاثر بالمرض وبردة هتلاقى بعض ريش الرقبة واقف وتحس ان الفرخ بردان بس بش زى الكوكسديا فى وقفتة لا بتكون اقل شوية
وبردة فى المرحلة دى نقدر نقول ان كمية العلف اللى هتتاكل هتقل وبردة التحويل

ثم

وبعد كدا تبدا العين فى الالتهاب وتكبر الجفون بتاعتها شوية ومع الرغاوى او الافرازات وشوية اتربة بتبدا تقفل العين بس بس مش مرة واحدة على يومين
لغالية لما تقفل خالص وبيكون فية عين مفتوحة عادية وعين تانية مقفولة تماما
فى الحالة دى بتكون خلاص التحويل هيبدا يضيع منك
وتقريبا 20% من العلف اللى استهلكة الطير هيروح لانة مش هيتحول الى لحم

بعد كدا يبدا النفوق العالى المصاحب لية الكولاى

وبعد كدا بتظهر الشهقة او ال gasping

فى الحالة بتاعة الشهقة دى بيكون خلاص القطيع باظ ومحتاج تدخل بحقنتين بينهم 24 ساعة مع جرعة مية لمدة 3 ايام كمان مع المنتوفين والابيكوفليين علشان الفرخ يرجع لطبيعيتة

احنا لية بنسرد بالطريقة دى

علشان نعرف امتى نتدخل بالعلاج او الحقن

وامتى ميكونش العلاج مجدى

يعنى فى المراحل الاولى لو اتدخلت تبئى بتصرف فلوس على الفاضى ولو اتدخلت فى المراحل الاخيرة بتكون خسرت تحويل وعلف

اما بئى لو فية امونيا فى العنبر كل المراحل دى بتكون قريبة من بعض جدا وكمان
ملعومة مهمة
لو فية امونيا + ميكوبلازما+ كولاى = اعراض ib بالظبط