كيفية التعامل مع قطيع فية انفلونزا او اى بى اكس كيو

اولا حاجة بنرفع درجة حرارة العنبر درجتين عن الطبيعى

لو عنبر معلق ومكيف رش معقم امن بس ميكنوش جلوترالدهيد لانة بيرفع النافق

اما لو عنبر مفتوح اوعى ترش اى حاجة

اهم حاجة اليسطرة على العدوى الثانوية وبسرعة يعنى اعراضها وانت بتشرح تكون بتقل فى 24 ساعة الى 48 ساعة ودا عن طريق اختيار ادوية نسبة الامان ليها عالية وتكون بتمتص
(ملحوظة اى حد يقول اية ال
اعراض فى الشريح وانا اقولة اية اسرع علاج لانها بتختلف على حسب الاعراض)
حذارى استعمال الجنتا او السفالكسين او الجمع بينهما فى حالة ال اكس كيو

عليقة علاجية يكون فيها الاتى

الطاقة موزونة مع البروتين ودى فى قمة الاهمية (وليست عليقة تجارية الغرض منها التوفير وخلاص )
واى خلل فى ال cal/p raito هيكون عبئ على الكلى والكبد وبالتالى هتتاخر الحالة

يوجد خلطة عشبية على حسب الاعراض بس تقريبا معظمها اما مضادات فيروسية او مضادات اكسدة
يعنى هات الصفة التشريحية ونكتبلك الخلطة على حسبها

يفضل استعمال المنتوفين كبيطرى او زيت النعناع كعشب فى الماء ولا يفضل الرش الا اذا كان العنبر معلق مكيف

عدم ارهاق الطير بما لا يتحمل يعنى متحطش حاجة مش هتفيد وهتكون عبئى على الطير

الحرص الشديد فى التعامل مع المضادات الحيوية يعنى متكترش على الفاضى اعرف اية اللى يصيب الدهدف وفى اسرع وقت لانة هو مع الفيرس بيضعفوا المناعة

احذر الحقن ثم احذر الحقن ثم احذر الحقن
لاننا زرنا مشروع كانت الحالة متوسطة وبمجرد ما المشرف اخذ قرار الحقن تبقى 3500 طير من 75 الف طير

ركز على الادوية البشرى فى حالة الفيروسات دى بالذات وبردة على حسب الاعراض
يعنى مثلا فى حالات استعمال موسعات الشعب استعمل نوعين مش واحد ويكونو مختلفين فى التركيبة

حاول تظبط الجرعات كويس لان اليوم بيكون مقسم الى اكثر من دوا وبالتالى الدوا جرعتة مش هتكون كافية علشان كدا احسب الجرعة بالوزن افضل من حسابها باللتر خاصة فى الادوية اللى بتعمل سمية او اللى بتخرج من الكلى

على قد ما تقدر حافظ على الكبد والكلى كويسين او اعمل اعتبار وانت بتعالج ومش شرط يكون فيهم سموم

لو الفراخ منهكة جدا والادوية صعب توصل بسهولة لكل الجسم لابد تركز على القلب يعنى لازم حاجة تخلى القلب يضخ الدم وبقوة واهم حاجات فى الامر دا (الراوند مع البردقوش)
اما لو الطير بياكل وبيشرب احذر منهم لانهم هيعملولك Sudden death

حاجة مهمة جدا جد
ان فية نافق وفية فراخ نايمة او فيها اعياء شديد (موربيديتى)
دى لازم تتشال قبل النافق وبسرعة
طبعا جمع النافق كل ساعتين حتى لو مفيش بردة ادخل شوف
لازم القطيع يكون خالى من الكوكسديا ودا طبعا بعمل جدول وقائى كويس
علشان اضيف 2 ك ب ك كولين على الطن لانة بيفرق جدا فى النتيجة خاصة لو العلف بروتينة على وانت خايف على التحويل