ارسملي حلم...
ارسملي بنظرة عيونك
حلم اعدي فيه وافوت
احضن الايام ف حضنك
ياللي حبك فيه بموت
حلم اعيش جواه معاك
وارتوي فيه من هواك
حلم ماكتفيش منه
مهما عشت فيه سنين
يشفي جرحي م الانين
حلم يجبر كسر خاطر
قلبي دا المليان حنين
حلم لو فضلت فيه
مهما عدي العمر عليه
هاتلاقيني بعيش حلاوته
ايوة اصلي عارفه قيمته
واللي سابه جوا مني
لما عشت فيه يومين
حلم فيه كل الحقايق
بس اوعي في يوم تفارق
دا نبضي جوا مني
قال حبيبك يبقي عاشق
هيمان بنظرة شوق وعين
بقلم هدي غريب