حتي ملامحي بقت كلها تجاعيد
وشيبني الزمن قبل ما اشيب
و العمر بيجري ويعدي
والدقايق من عمري
بتتحسب سنين
ومين معايا ومين ضدي
اهو كله في الاخر
بيمشي ويسيب
وعجبي عليك يازمن
بتديني الفرح بالقطاره
وكل يوم تفقعلي مراره
والحزن صاحبي الوحيد
وكل ما اقول كفايه
تقولي الحزن عندي بزياده
فين بس هوديه
ولمين بس ههديه
غير لقلبك الحزين
حتي الضحكه الوحيده
الا كانت عايشه معايا
بين القلب والشفايف
خدها مني اعز حبيب
وعلي فين يا زمن موديني
وماشي معاك ومغمض عيني
والطريق ادامي طويل
وبدل الورود المفروشه
شوك وجناين مهجوره
مفهاش غير اهات ودموع
والقلب خلاص مات من الوحده
وبقي الفرح ممنوع
واه منك يا دنيا
كل يوم بحاله معايا
زي ما يكون بينا حكايه
و قصه فيلم حزين
الفرح ثواني معدوده
والاحزان غير محدوده
وسط قلبي المسكين
كفايه يا دنيا كفايه
معدش شي جوايا
غير الاهات والانين
حتي الناس الا حبيتها
وعشت معاهم الفرحه
خدتيهم ليه بس يا دنيا
دا هما كانو الضحكه
انا مش بالومك يا زمن
بس حرام ادفع التمن
انا وقلبي المسكين
بقلمي / الشاعر احمد ناجي