حاله . بقلم \ أحمد شاهين
أنا كل يوم بحاله
حبيت دى أيوه لا لا
ما بقيتش فاهم نفسى
معقوله . دى إستحاله
قلبى بيعشق كتير
وتملى يا ناس يغير
ما باين له خط سير
دا بقت حالته حاله
أنا كل يوم بحاله
لما بيلمح جمال
بيصيبه الإنشغال
يجرى دايمآ عليه
ويقول له فى الحلال
طالب قُربك أنا
هيكون يوم الهنا
والله أنا لك أسير
قلبى بيعشق كتير
ودى روحها مُدهشه
بتحب الفرفشه
أسرتنى يا ناس عيونها
ف عزومه ع العشا
قُلت لها يلا بينا
على مأذون المدينه
وإن شا الله كل خير
قلبى بيعشق كتير
ودى بنوته قمر
حطفتنى يا خبر
حيويه أه ونشاط
وجمالها مُعتبر
قُلت لها صدقينى
دا انتى روحى وعينى
يا أميره دا انا الأمير
قلبى بيعشق كتير
وتملى يا ناس يغير
ما باين له خط سير
دا بقت حالته حاله
أنا
كل
يوم
بحاله
كلمات \ أحمد شاهين
11 \ 6 \ 2016
حقوق النشر محفوظه . م . ف