صارت دروبي بعيدي
هيك انا شايف
يا ريتك بقيتي القصيدي
هيك قلي وريدي
يلي نزف ع إيدي
مع انو مش خايف
كأنو ساعي بريدي
بشرياني طاوي جريدي
فيها أغاني جديدي
معزوفه ع الشفايف
ويا قلبي الشاكي جليدي
وناطر نفحة شوق فريدي
يخليك اسحبها من رصيدي
واتركني ناطور المصايف
ويا عيوني يا شاكيي التنهيدي
بدمعه حيراني وحيدي
ردي جفنك عليي لا تزيدي
تعبت وتعبت معي خطواتي
من قياس المسافات وعد الرصايف .

بقلمي....علي ناصر..