الشاعر فرج البراهمي
(مافيش فايده)
لما الواحد يقعد علي الكرسي
ويتمسك بيه
ويحب الناس تتكلم عنه
دايما تلاغيه
افهم بقي ياعبد العاطي
ماتزعلنيش
أصل الواطي هيفضل واطي
ونافش الريش
أوع تفكر انه هيعدل بين الناس
أصل العدل لازم صاحبه
يكون حساس
افهم بقي ياصاحبي ماتتعبنيش
ارمي حمولك علي الله
وانسي تاريخ من وراء ضهرك
ياريت ترميه
وعيش علي ذكري أيام جميله
راحت .. عدت
كان الكرسي زمان له هيبه
لاكن ياخساره معاه اتهدت
حتي الشيبه صبحت عيبه
بس زمان كان ليها مقام
لاكن اليوم ياالف خساره
كله صبح واكل برشام
