حاله

فى ناس حالتها حاله
بتفتش فى الزباله
على لقمه تاكلها حاف
وناس بتبيع شرفها
علشان تكسر ظروفها
ضاع الصون والعفاف
بس الغريب يادنيا
فى ناس من طينه تانيه
حاسين بالاختلاف
دايسين على كل حاجه
وبياخدوا كل حاجه
والجوع منهم يخاف
وكلنا عايشين
والدنيا حاسه بمين
تدى اللى مش عايزين
واهى ماشيه خلف خلاف
صبح الشمال يمين
والحظ يقول امين
وان قولتله المساكين
يحلف بالله ماشاف
محمد الروبى