لما العمر يمر بينا

يسرق اجمل ما فينا

ضحكه حلوا بتنادينا

بسمه واضحه ع الشفايف

قلب ناسي انه خايف

بالامان حاسس وشايف

جوا مني طفل ساكن

رغم سني كبير وفاهم

نفسي اعدي البحر عايم

اكسر الموج والعواصف

بس الغدر ف قلبه ساكن

ناس بتقول عليا شاعر

بكتب الحرف ب مشاعر

بكتب الكلمه وابكي

نفسي ف يوم لحد احكي

عاوز حد يشاركني همي

يبقي دمه مخلوط بدمي

ايوه يبقي حتي مني

لما الحزن يسكن عيوني

تسكن الدمعه جفونه

قلبه يبكي من الامي

حلم عايش جوا مني

صورة عايشه ف الخيال

والحقيقي مستحال

بقلمي
عبد الحميد ابو هشام