علمنى حروف الكلمات
علمنى كيف وقت الجد
لما أغازل طيف النسمات
من وقت حراجى القط
أيام عمال الترحيله
من عهد السد
ما اتأخر يوم فى الجوابات
لا يهمه الحر الافح .. من صهد
ولاهمه قرصة ... برد
ولا همه طول المسافات
كان لم يهدهد فى الصعوبات .. يشتد
وكان لما يحب .. يحب .. بجد
والبنت السمره أم أشربات
كيف تتلهف لما تشوفه بجد
كيف الحنه فى كفوف اليد
كان لما يلملم خلجاته .. وحاجاته
ويودع حلم فى ليلة برد
كان عارف امتى يصون الحرف
ويدفى حنين الارض .. ويصون العرض
عبد الرحمن ... هو أنت مودع .. صح
والا انت يا دوب نعسان
.......................
فارس الكلمة
حسن السحماوي