من يومي عايش مداري
والعشه كانت عنواني
راضي بقليلي حامد ربي
الدنيا ليه قاسيه عليا
والقرش ليه كاره جيبي
لاهدمه نضيفه ولا قبقاب
وشق رجلي يشيل تعبان
وليل نهار راجل شقيان
يا مين يحس بالجعان
ويكسي جتتة العريان
ملقاش دوا وكمان برشام
لوجسمي صابه حبة زكام
عايش علي فضل الرحمن
يا راعي بص انا انسان
ذنبي ف رقبتك مهما ان كان
اشق هدومي واكون كفران
ف دنيا كسروا فيها الميزان
بقلمي
عبد الحميد ابو هشام
