@@ بمنقاره نقش حنه @@
في ناس ياخدها الصوت 
وناس سكوتها كلام .
مسك الزمام حداد 
بيسن بمسنه 
سيف الحدادي غار 
قدام حمام خلي .
اياك يغرك قوام 
الجسم والشابه 
لو ع القواله اسمع 
صوت الحمام قله .
دعي للسلام بكلام
العقل والحكمه 
بَدر الغيطان بحبوب
العزه والحشمه ....
دكر الحمام عواد
فرح الولاد اعياد 
خضر اراضي الخير
بكر بكور الطير 
يحصد بمنقاره 
ينقش ع جداره 
الوردوالحنه .
........
عمر البليد يقصر 
ليخلف ولا يخضر 
طول عمره متكدر .
..........
ياللي براحك خلا 
عمران بنور ربنا .
........
شمس النهار بتدب 
تنتج لي ميت اردب 
من قطننا الاخضر 
طار الحمام وحط 
ع كل خط حبوب 
تروي سواقي الخد 
تطرح سنابل ضي .
..........
ياللي زرعت الخير 
والحب اكله الطير 
وسبح باسم الله 
ذاد النما والخير 
عم الحمام علي الكل 
اكل وكفا الخير 
والباقي للتصدير 
وبقينا زي الفل
.......
بنايه ع بيتنا 
طرحه غيتنا 
وليد ف حتتنا 
صوته ندي ع الكل 
الخير عمار ف البيت 
بسمله يا خوانا 
نقش الحمام حنه 
زين بيها الجنه . 
واتعلم الانسان 
ازي يكون فنان 
ع ايد دكر الحمام 
حتي ولو قله ... 
..........
بقلم ..... 
سناء السيد قنديل . 
١/٣/٢٠١٦