" " عهد الغرام " "

كنت بستغرب لحبك
من حنانك ياغالى ليا
كنت بهرب من عنيك
لما كات تيجى ف عنيا
شوقى ليك كان قد شوقك ؟
أكتر كتير - مليون شوية
ياحبيبى 
قولتهالك
لما إيدى بالغرام تحضن إيديك
شايلة كل الشوق فى قلبى
شايلة كل حنينى ليك
وانت قدامى ومعايا
أفضل اسرح فى كلامك
وف عنيك
وانت كل الدنيا ليا
وانت بس العين عليك
وانت بس حنانى ليك
لبى صوت قلبى ياعمرى
خد إيديا لحضن إيدك
ياحياتى ياحب قلبى
م النهاردا انا كلى ليك
عاوزة أغرق فى حنانك
شوقى حبى والحنان
كلهم بينادو ليك
نفسى يوم ييجى ياعمرى
تتلغى كل الخطاوى اللى مابيننا
خليك لقلبى بلاش بعاد
وعاهدنى تبقى العمر ليا . .
بغير عليك
أما عن الحب اللى بيا
عمره ما ينساك للحظة
هفضل احفظ عهدى ليك
نسمة الحياة