****حالة حب****

ليه يا حبيبي وحدك من دون البشر

حبيتك وحبك بعروقي ووريدي انتشر

حبك مكتوب فوق جبيني وده نصيب وقدر

شوقي ولهفتي ليك حبيبي زي حبات المطر

تسقط وتنزل علي خدي تلمسه بخفة و حذر

بتمسحها بحنان وكأنك بتلمس خد القمر

نسمة هواك مرت بقلبي لمست منه الوتر

جمعتني بيك دنيتي في ساعة سحر

قالتلي اياك في يوم تقولي قلبي انكسر

ياللي روحك سكناني وبتنده ياحب اعتمر

وبتهمس لنبضي بخوف يا حزن ارجوك اندثر

بتسألني :يا هل تري حبك ليا في بعدي انحدر

لا يا حبيبي مهما بعدت حبك ف القلب اتحفر

وإشتياقي ليوم اللقا جوايا بالأمل اتنثر

ومهما بعد بينا الزمن حبك ف القلب اتسطر

وهيجي يوم ونعلن للملأ إن الحب انتصر

بقلمي....نور الضياء