#‏القميص‬ الأبيض

علي الرف الفوقاني هناك
في دولابي
قميص أبيض
منقط شوية من يومها
دموع عنيها
وحزنها إللي كان مالي
ضحكتها
وصوتها وهيا بتقولي
بلاش تبعد
وأوعدها
وكتير أوعد
وأبعد بضهر كرسيا
كدا شوية
أتأملها
وأفكر
وأدعي في سري
و أتمتم
يا ريت بكرة
عليه أقدر
وأكمل آخر السكة
وسكتتها
وهي شايفني
وبتسألني
بتفكر؟؟؟؟
في ايه واخدك بعيد عني
احس الكلمة بتلومني
اخاف لتحس
اني بخاف اكتر
وكل ما ثانية بتعدي
قلبي يصلي وبيدعي
يا ريت علي وعدي
يا ريت اقدر
ابص ع القميص تاني
اشوف كل الذكريات
حافرة نقط تانية
كتير في الصدر
وكتير في الكم
علي صدره نقط سوداء
دموعها ساعة الفراق لما
ضمتها
وعلي دراعي نقط حمرا
لما دراعي حاوطها
دلوقتي
عرفت انها كانت
بتبكي
دموعها ويا الدم

‫#‏محمد_صبري‬