( فاكره يا مايا )
=========
فاكره يا مايا زمان
لما كنت طفل صغير
بدأت أكبر وملامحي 
كانت قصاد عينك بتتغير
كان حضنك بحر دافي
من الحنان بيضمني
كنت بحس فيه بالامان
كان هو الدفاء في ليل الشتاء
زي ما يكون عايش 
في جزء من جنة الرحمن
===================
طب فاكره لماكنت أشبط 
علي لعبه أو حبة حجات
وأبكي بالدموع ساعات
كان ساعتها يدوب صوتي مسموع
كنتي تاخديني في حضنك
وتطبطبي وتقولي يا أبني مالك
ولما أدلع عليكي وأزيد البكاء
الاقي الدمعه تفر من عينك 
ومش فاهم ليه *
=================
أتاري قلبك يامايا كان عليا بيتقطع
وكل دمعه بتنزل من عينيك
علي أيدي بتكوي وبتلسع
وأزيد في الدلع وأتمطع
وقلبك كان عليا بيتوجع
وبرضه... ماكنتش فاهم ليه
ما أنا كنت لسه صغير
===============
ولما كبرت حبه شوفت
الفرحه علي جبينك
وعودي إ خضر قصاد عينك
الحب كان بيني وبينك بيزيد 
حب كان من نوع تاني فريد
فاكر كل حاجه يا مايا ومش ناسي
زي مايكون شريط السنين رجع تاني
بيصحي فيا الالم والوجع تاني
================
ولا فاكره لما جات لحظة وفاتك
وقفت أنا مكتوف الإيد علي بابك
وماكنتش قادر انظرلك
والملايكه محوطاكي من حولك
شوفت ساعتها النور علي جبينك
شورتيلي برمش عينك تعالي
جريت يا مايا عليكي في عجاله
وكل دمعه في عيني بتترجاكي
إستني...... رايحه فين يامايا
إستني ........خديني معاكي
ماتسبينيش الوحده بعدك مره
والكل يقول معلش خليك بره
وطيت علي إيدك لأجل مابوسها
وقربت منك عايز أقولك يامايا سامحيني
سبقتيني ....وقلتي ياولدي مسمحاك
قلبي وربي راضي عليك
نزلت دموعي علي جبينك
حضنتيني وزاد مابينا الحضن
وجوه قلبي ليكي لسه مشتاق
لمليون حضن وحضن
ساعتها فهمت وعرفت 
الي ماكنتش عارفه لماكنت صغير
عرفت يامايا قد ايه تساوي كلمة ..أم...