( سامع نبض قلبك)
سامع نبض قلبك وحاسس بالي بيه
وأحلف برب الكون مليش ذنب فيه
ورغم البعد عني ورغم الفراق
بقول لسه بحبك .بحبك باشتياق
بشوف نظرة عنيكي
لما كنتي تسمعيها
وترددي ورايا فوق شفايفك تكتبيها
بس السؤال لسه مازال بيشدني 
هو إنتي لسه قادره من تاني تقوليها؟؟؟
ولا مني بس حابه تسمعيها 
طب قربي لما أقولك بيني وبينك
مش عايز حد يسمعها غيري وغيرك
أيوه لسه بحبك وخدت القرار
مهما طال الطريق وطول والانتظار
وشربت من كاس حبك هجر واسي ومرار 
هأفضل عايش بالامل مستني يوم يعود
وأوعي تفتكري في بعدك أخلف العهود
الي كان مابينا مش تسليه و هزار 
كان حب حقيقي فرقته الاقدار
ومن غير كلام كتير أو حتي إعتزار 
لسه بقول بحبك وسامع نبض قلبك 
ومافيش تاني اختيار