كبرت فينا الأيام
ـــــــــــــــــــــــــــــ
وكبرت فينا الأيام
وبسمتنا تايهة وحيرانة
ربيع رحل أمتي يعود تاني ؟!!
عودتني أغني ليه يازماني
غروب رَوَحْ...ورُوحْ تعبانة
يصعب ع العليل حالي
يا عم صبح صحي فينا
فجر طالع من جنب المأذنة
من كتر الهم أتعذبت أنا
يا وادي يا أخضر خضرتك
زي ما هي بهية
يا ولاد القوت بعد المية
دي المية جوا القناية معكرة
بقالها يوم وكام عام
الشعر شاب والقلب داب
بس مين يفهمك يازمااااان
وكبرت فينا الأيام
توب الهم متفصل بقب وكم
والحال مايسر لاخال ولاعم
غير وجع ومرار وحرق دم
دا بستاني خوف بأرقام وحروف
ماعد مألوف تقل الهم
وطعم المر مالي الفم
وهيفيد بأيه كتر الكلام
ماكبرت فينا الأيام
ـــــــــــــــــــــــــــــــــــــــــــــــــــ
كلمات /محــــــــــــــــــــــــــمود إبراهــــــــــــيم