(حكايه شعب)
=======
بقلم الشاعر
-------------
فرج برعي ابراهيم
==========

كنا في رحله أ نا وأ بني مصطفي

ودي صوره من أعيادنا...

سالني ايه دي يا بابا ..

قولتله دي قناه السويس ياولدي

و فيها تاريخ أجدادنا..

عايز يعرف كل حاجه وده حقه..

مش هو حفيد أجدادنا....

حكيت ليه عن التاريخ وعن زمان...

حكيت ليه عن الظلم الي كان..

حكيت عن شعب وعن بلد

مستهدفه من الملايين...

وعن أجدادنا الي حفرو قناه السويس.

بايديهم وماتو فيها مساكين ..

حكيت ليه عن عهود عدت ومرت...

وذكرياتها محفوره في قلوبنا من سنين..

حكيت ليه عن الظلم والطغيان .ومازال..

معشش في قلوبنا ..

وادى احنا يا أ بني عايشين

عيشه والسلام..

ولو انفجرنا في وش الظلم

حنكون ياولدي نار كما البركان