لسا فى عنيكى السؤال 
لسا فى عنيكى العتاب
لسا عايشه فى الخيال
دنا عينى فيها ميت سؤال
وميت الم وميت ندم
على عمر عشتو من غيرك
فى بعدك فى هجرك 
يا حب اول متولد دفنو السفر تحت التراب
جوايا طفل اتربا فيكى
ولسا شايل حبو ليكى
قد المطر قد القمر قد السحاب
العن الغربة اللى خلت حبنا
حلمنا اصبح سراب
العن الغربه اللى خلت
بين عيون قلبى وعيون قلبك حجاب 
العن اليوم اللى خلانى احبك
العن الحلم اللى خلانى اسيبك
العن الحب اللى دق الباب .... بقلم الشاعر صبرى ابو ريان